FACULTADE DE PSICOLOXIA

 Edificio proxectado por Arturo Campanero a finais do século XX para acoller o crecente número de estudantes que atraía a recentemente creada Facultade, nacida da segregación da antiga Facultade de Filosofía e Letras, que acabou convertida en tres facultades diferenciadas: a parte da de Psicoloxía, a de Filosofía e a de Ciencias da Educación. Está unido ao edificio anteriormente existente que acollía o centro matriz, xa que comparte con el parte das instalacións, como a biblioteca.

O edificio é moi funcional, con comunicacións cruzadas que achegan os espazos que se encontran agrupados por usos, fundamentalmente divididos entre espazos docentes e espazos de investigación, fomentándose a interrelación entre eles, pero sen mesturalos. 

A imaxe formal do edificio é limpa, elegante e acorde coas tendencias internacionais da arquitectura universitaria.