COLEXIO MAIOR FONSECA

 Da mesma época que a Facultade de Ciencias son o tres Colexios Maiores dedicados aos arcebispos composteláns Alonso III de Fonseca (o central) e Juan de Sanclemente e Torquemada, e a quen fora reitor da Universidade nos anos 30 do século XX, o doutor Alejandro Rodríguez Cadarso. 

Desta época son tamén o estadio, o observatorio astronómico, o ximnasio (hoxe auditorio) e as vivendas acaroadas dos decanos.

O proxecto, de Jenaro de la Fuente, incluía outros dous colexios maiores máis, a continuación do Sanclemente e do Rodríguez Cadarso, que debían completar a oferta de aloxamento da Residencia de Estudantes. O estilo era coherente co resto dos edificios proxectados para a Residencia, e afastados cas correntes arquitectónicas do momento, aínda que formalmente moi correctos. Eran colexios segregados por sexos, e nunca chegaron a edificarse, debido ás dificultades económicas do país nesa época.